Terje Isungset har vore ein sentral musikar innan norsk musikk sidan 1985. Han har medverka på over 90 utgivingar, og gitt ut 14 solo-plater. Isungset blir rekna som ein pioner i forhold til å jobba med ulike lydkjelder. Hans instrument er sett saman av tre, stein, metall, trommer, cymbalar, bukkehorn og munnharpe. I 1999 oppfann Isungset omgrepet is- musikk noko som har vorte sentralt i hans vidare arbeid. Kombinasjonen fri Improvisasjon - ofte i samspel med ulike lands folkemusikk - har resultert i ei rekkje album. Resultatet av vel 35 års arbeid som utøvande musikar er eit musikalsk uttrykk utan tydelege referansepunkt til eksisterande stilartar.
Terje er komponist/ utøvande musikar i FRIKAR verka sine GANDR og GLEIPNIR.