Maren Hjertø

Maren Hjertø starta å danse på Ballettskolen i Ski då ho var 4 år gamal. Ho begynte med klassisk ballett, som no har vore hennar hovudfokus i mange år. 

Etterkvart begynte ho å danse jazz og moderne, men ho har òg vore innom street dance, hiphop, step og musikaldans. 

Maren gjekk på den landsdekkjande ballettlinja på Edvard Munch vidaregåande skule og har seinare tatt ein bachelor i jazzdans på Kunsthøgskolen i Oslo. 

I dag jobbar ho frilans som dansar. Ho jobbar mykje med Show De Vida og opptrér på ulike eventar rundt om i Norden ved sidan av å ver ein del av taletprogrammet FRIKAR X.

Eg vaks opp med ei mor som er ballettlærar og har sett mykje opp til ho. Eg starta tidleg på ballett, fordi draumen allereie då var å bli ballerina.

Sida den gong har eg fortsatt på grunn av det sosiale og at dansegleda vaks i takt med åra. Eg vert inspirert av det fysiske uttrykket og kroppens fysiske moglegheitar til å bevege seg. 

I FRIKAR X vert eg utfordra i stilar og kvalitetar som er langt utafor komfortsona mi. Eg ser stor overføringsverdi i det som er i fokus på FRIKAR SMIA og trur det styrker det kunstneriske uttrykket mitt og gjer meg til ein ennå meir allsidig dansar. 

Framover håpar eg at FRIKAR X kan bidra til å gi meg ei ennå større forståing og kompetanse i fleire bevegelseskunstar. Spesielt norsk folkedans! Eg ynskjer å lære mykje meir om kulturen, historia bak, teknikken og estetetikken. 

I FRIKAR X er det dansarar med ulik bakgrunn og ulik stilforståing. Eg set stor pris på fellesskapet og gruppetilhøyringa i FRIKAR X og korleis vi delar tankar, idear og kompetansar med kvarandre.